GENERAL SANTOS CITY – Kaso nga Robbery in band with the use of firearms, pagsupak sa RA 10591 ug RA 9516 ang ipasaka batuk sa duha ka pulis ug duha ka sibilyan nga gitudlong responsable sa pagtulis sa panimalay sa usa ka negosyante.
Matud ni Acting City PNP Director Col. Jomar Alexis Yap nga padayon ang imbestigasyon sa iyang mga sakop kalabutan sa pagkasikop sa duha ka pulis nga silang Police Chief Master Sergeant Renante Medina, 44 anyos nadestino sa Foot Patrol and Bike Unit, Davao City Police Office; Police Master Sergeant Christopher Ararao, 45 anyos nadestino sa Police Station 6, Davao City Police Office; kuyog silang Edwin Salvador, 40 anyos ulitawo, panday, residente sa Relocation, Barangay Tibungco, Davao City ug Winston Jay Ongco, 30 anyos , welder, taga Bunawan, Davao City.
Matud ni Col. Yap nga alas nuebe sa gabii nakadawat ug tawag ang presento gikan kang Jacky Faeldin, 37 anyos, fish dealer nga taga Purok Ondok Gawan, Barangay San Jose nga gitulis matud pa kini sa upat ka mga tawo ug gikuha ang iyang P150,000 cash, duha ka alkansya ug celphone.
Sa gipahigayon nga checkpoint nasita ang sakyanan sa mga suspek ug nakuha gikan kanila ang salapi, celphone, alkansya, lakip na mga armas.
Miabut usab ang reklamanate ug gitudlo ang upat nga mao matud pay mitulis kaniya.
