GENERAL SANTOS CITY – Nagpadayon ang konstruksyon sa public transport terminal sa Alabel Sarangani Province. Sa pakighinabi sa Bombo Radyo.
Gibutyag ni Municipal Mayor Vic Paul Salarda, ang maong proyekto sa umaabot nga panahon makahatag og epektibo ug de-kalidad nga serbisyo sa transportasyon sa katawhan sa Alabel.
Gipasalamatan niini ang tanan nga mitabang sa pagkab-ot sa pinal nga plano og perspektibo sa maong proyekto. KIni human nga nakapalit og upat ka ektarya nga yuta aron tukuran sa terminal.
Gikadugang ni Mayor Salarda nga matag lugar ang angay lang nga adunay transport terminal kung asa kumpleto kini sa mga pasilidad sama sa mga lawak alang sa mga sumasakay nga magabhian o malangan ang biyahe sa wala gilauman nga sitwasyon.
Sa pamahayag sa mayor, dili muobos sa P100Million ang budget alang sa maong public transport terminal nga makonsidera usab nga economic enterprise tungod may mga lawak nga gitukod nga pwedeng pa-abangan sa mga gustong mag-negosyo og ticketing booth, restaurant og uban pa.
Sa karon nakapagawas na og inisyal nga P15 Million alang sa inisyal nga konstrukson.
