GENERAL SANTOS CITY – Walay nahimo ang administration councilors aron babagan ang urgent resolution ni Councilor Khan Balleque nga ipa revoked sa Mayor sa Syudad ang gipagawas niini nga executive order number one aron tugutan ang pagpasulod sa mga baboy gikan sa gikonsidera nga red zones.
Mismong si Vice Mayor Rosalita Nuñez ang nag-ihap sa mga Konsehal dihang gipahigayon ang pagboto sa maong hisgutanan.
Kini human nadala sa botohay ang hisgutanan human gisogyot ni Councilor Dominador Lagare Jr. nga i-agi sa proseso ang resolution ug sugdan pinaagi sa pagpatawag ug committee hearing.
Rason ni Councilor Lagare nga nagpatabang lamang kang Mayor Lorelie Pacquiao ang taga South Cotabato Swine Producer Association kon SOCOSPA nga magpagawas ug EO ang Mayor aron makasulod ang ilang baboy sa syudad apan diretso kini sa pantalan sa Makar hinungdan nga gisogyot niini sa proponent nga iagi sa proseso.
Misegunda usab si Councilor Richard Atendido isip suporta sa Mayor nga dili tanan nga baboy sa South Cotabato ang makasulod sa Syudad tungod kadto lamang mga piggery nga may level 2 sa Biosecurity ang pagatugutan.
Una ng gihingusgan sa proponet nga walay kasiguruhan nga ASF free ang baboy nga ginapasulod sa syudad tungod sa posebilidad nga hinungdan aron makasulod ang african swine fever.
