GENERAL SANTOS CITY | Kutob na lamang karong adlawa ang deadline sa registration alang sa pagpangandam sa Commission on Elections alang sa barangay ug SK Elections nga ipahigayon sa December 5 niining tuiga. Kini human gibutyag ni OIC COMELEC Director Atty. Jose Villanueva nga wala nay extension nga ikahatag ang ilang buhatan. Gikadugang ni Atty. Villanueva nga kadtong maabtan sa alas tres sa hapon sulod sa SM Mall nga wala pa marehistro kuhaan ug pangalan aron didto na sa ilang buhatan i- rehistro. Gipaniguro niiini nga hangtud karon walay nadawat nga notice gikan sa Comelec National Office kalabutan sa ihatag nga extension. Gipaklaro niini nga wala pay balaud nga napasa ang Kongreso aron dili mahinayon ang piniliay sa Disyembre 5 kini tungod wala pay sesyon nga nahitabo sa Kongreso.
Nasuta nga mas daghang tawo ang nagpaabot nga ablihan ang satellite voters registration. Matud niini nga sama sa nasinati-an sa uban nga COMELEC offices milampas sila sa angayan nga marehistro. Kahibaluan nga gawas sa Gensan lu-ag kaayo ang registration sa ubang minusipyo bisan pa ug miadto sila sa mga hilit nga barangay aron marehistro ang mga botante nga dili makahawa tungod sa ilang trabaho.
