GENERAL SANTOS CITY – Nagtinabangay ang LGU Gensan ug DILG aron magmalampuson ang ipahigayon nga world blood Letting day karong Hunyo katorse.
Matud ni Gensan Red Cross Administrarot Merlita Gludo nga may gipagawas nga kamandu-an si Mayor Ronnel Rivera alang sa mga barangay Kapitan nga magdala ug lima ka residente samtang mao usab ang pag-awhag sa taga DILG sa mga barangay opisyal.
Gikadugang ni Gludo ang blood letting sa maong adlaw ipahigayons a Robinsons Place gikan alas otso sa buntag hangtud sa hapon. Tumong niini aron matubag ang panginahanglanon ug dugo nga usa sa problema nga nasinati-an sa mga hospital tungod sa kakulangon sa suplay s a dugo.
Gawas niini matag adlaw nga lunes hangtud adlaw nga byernes may blood letting usab nga ginapahigayon sa buhatan s a Red Cross Gensan .
Gikabutyag usab ni Gludo nga wala sila gadawatan ug walk in sa adlaw nga sabado ug dominggo tungod adunay uban nga NGO ang buot magpahigayon ug blood letting sa mga barangay.
Nasuta nga niadtong wala pa ang pandemya labing daghan nga muapil sa blood letting activity ang gipahigayon matag tuig sa Bombo Radyo ug Red Cross sa Robinson Place .
