GENERAL SANTOS CITY – Gipaklaro ni Atty. Gerard Mosquera, dean sa Notre Dame of Marbel University (NDMU) kalabutan sa mga patakaran sa pagbutang sa mga campaign posters sa mga kandidato.
Sa pamahayag ni Atty. Mosquera nga base sa patakaran sa Comelec nga angayang anaa sa 2 by 3 gidak-on sa mga campaign posters sa common poster area lakip sa mga pribadong mga propiedad.
Apan gihingusgan ni Atty. Mosquera nga may desisyon na ang korte suprema kalabutan sa kaso sa Diocese of Bacolod.
Kini sa dihang nagbutang og 10 feet nga tarpualin ang Diocese of Bacolod kalabutan sa ilang kampanya nga Team Patay og Team Buhay nga mga kandidato.
Gikadugang pa sa nasampit nga abogado nga desisyon sa korte superma pwede magbutang ang usa ka pribadong tawo sa ilang private property og campaign posters bisag unsa ang gidak-on kung asa dili sakop sa gahum sa COMELEC .
Kahibaluan nga nahimong kontrobersyal nga ang gihimong Oplan Baklas nga gihimo sa Comelec human migawas ang videos sa social media nga gipangkuha ang mga campaign materials sa mga kandidato bisag sa private property gibutang.
