GENERAL SANTOS CITY – Nakaalerto na ang kapulisan sa dakbayan alayon sa pagsugod na sa campaign period sa national candidates.
Sumala kang PLt.Col Aldrin Gonzales, spokesperson sa General Santos City Police Office (GSCPO) nga sa karon nagpabiling hapsay ug malinawon ang syudad ug hugot ang pagpatuman nila sa mga balaod sa Comelec, ilabi na sa checkpoint.
Gikadugang pa ni Gonzales nga sa pagkakaron nagpadayon nga nakig-alayon ang kapulisan sa ubang law enforcement unit sama sa mga sundalo, Philippine Coastguard aron mamintina ang peace and order.
Gikabutyag nga walay nadawat nga report ang kapulisan sa unsamang bahad gikansa armadong grupo apan anaa ang intelligence unit nga gamonitor niini.
Gapanawagan si Gonzalez sa katawhan nga makig-cooperate aron mahimong hapsay ug malinawon ang syudad tungod andam usab ang kapulisan sa pag-aksyon sa unsa mang report o sumbong nga ilang madawat.
