Angayang magpabilin nga sundon ang mga minimum health protocols bisag fully vaccinated na.
Matud pa kang Dr. Fidel Peñamante, presidente sa GenSan Medical Society nga mahimong leksyon sa mga pinoy ang nahitabo sa Yuropa nga subli nga mitaas ang kaso sa COVID 19 sa maong lugar gumikan wala nagtuman sa minimum health protocols human nga daghan kanila ang nagpabakuna.
Kahibaluan nga sa Yuropa daghan ang subli nga nagpatuman og lockdown gumikan mitaas ang kaso sa COVID 19.
Matud pa nga human nga daghan ang naturukan sa vaccine dili na obligado ang pagsul-ob sa facemask og gitugtan ang panagtapok sa daghang mga tawo.
Sa pamahayag ni Dr. Peñamante nga dili magkumpyansa ang tanan bisag gamay na kaayo ang kaso sa COVID 19 sa dakbayan aron nga dili masubli ang pagdaghan sa mga pasyente.
