Mas gipahugtan sa South Cotabato ang implementasyon sa control and surveillance measures sa utlanan gumikan sa bag-ong na-detect nga kaso sa African swine fever (ASF) cases sa M’lang, North Cotabato.
Matud pa sa provincial veterinary office, nga ilang gipatuman ang mga dugang nga mga estratihiya nga mapugngan ang pagsulod sa probinsya sa mga dili otorisadong pagsulod sa shipment sa baboy gikan sa North Cotabato og laing mga lugar nga may kompirmadong kaso sa ASF.
Hugot na nga gibantayan na ang mga possible entry points sa border ilabi sa Sultan Kudarat province og laing mga lugar.
Adunay active veterinary quarantine checkpoints sa Barangays Magon sa Tantangan , Glamang sa Polomolok, Dumaguil og Lapuz sa Norala, New Panay sa Sto. Niño, Miasong sa Tupi, og San Jose sa Koronadal City.
Plano usab nga magbutang og dugang checkpoints sa Barangay New Cuyapo sa Tantangan nga maoy alternatibong rota sa President Quirino sa Sultan Kudarat.
Una niini gikumpirma sa Department of Agriculture nga apektado sa ASF ang unom ka barangay sa M’lang, nga nagresulta sa pagdeklara sa a state of calamity.
