Gihingusgan sa Mine and Geoscience Bureau kon MGB 12 nga delikado ang natigayong landslide sa Conel ning dakbayan.
Sa exclusive interview sa Bombo Radyo GenSan kang Ariel Austin Acosta MGB 12 nga ang nahulog nga yuta ang anaa sa 1.1 kilometers samtang mukabat sa 400 meters ang tubig nga na-stock gumikan nababagan sa nagdahili nga yuta.
Sa pamahayag ni Acosta nga adunay upat ka sapa sa taas nga bahin kung asa ang agas ang padulong sa Klaja River. Kung may matigayon nga kusog nga ulan ang mga lugar nga agian sa tubig padulong sa Buayan River ang maapektuhan sa flashfloods.
Gikalangkuban kini sa Barangay Conel, Olympog, Tinagacan og Katangawan.
Ang ilang long term nga solosyon nga angayang ihikling ang mga residente nga gapuyo sa kilid sa Klaja River.
Gibutyag ni Acosta nga kaniadtong dekada 90 adunay landslide sa maong lugar og subli nahitabo kapin sa 20 ka tuig ang nakalabay. Kahibaluan nga personal nga giadtuan sa MGB 12 ang lugar aron sutaon ang sitwasyon.
Gihingusgan pa niini nga bawal adtuan sa mga tawo ang landslide area sa Conel ning dakbayan.
Matud pa kang Acosta nga ilang nasayran nga daghan ang miadto sa lugar nga nahimong interesado ang mga tawo.
Gikadugang pa sa nasampit nga dili matagna ang panahon kung asa ilang nakit-an nga adunay gaagas na nga tubig sa nagpugong nga yuta sa Klaja river.
Dili lamang matud pa makusog nga ulan nga posible nga mabuswak ang tubig pwede gihapon kung may matigayon nga linog.
Tambag niini sa publiko nga dili hilabtan ang lugar kung asa ang panahon na ang nasayod kung kanu-a.
Angayang adunay magmonitor sa taas nga bahin nga pahibaluon ang anaa sa ubos nga kus0g ang ulan aron makaandam.
