Nagsurender sa mga otoridad ang usa ka sakop sa New Peoples Army.
Base sa report sa Maitum Municipal Police Station nailhan ang nagsurender nga si Arnold Gango Meson, alyas “Shawel”, 23 years old, married, Squad leader, Platoon Central, GF Samsung (Central Command), ilawom kang Commander Billy Lasib nga taga Macao, Brgy. Upo, Maitum, Sarangani Province.
Matud pa nga gumikan sa kalisod og kakapoy nga iyang nasinatian samtang anaa sa kalihokan nakahuna-huna nga magsurender ang nasampit.
Sa iyang pagbalik sa sabakan sa gobyerno bitbit niini ang usa ka ) M1 Garand rifle, One Clip og Seven (7) rounds sa mga buhing bala.
Gibutyag nga nakatabang sa iyang pag-amgo nga magsurender ang National Task Force to End Local Communist Armed Conflict program nga tabangan ang mga anaa sa lagyong lugar.
Ang nasampit ang mahimong makadawat og hinabang gikan sa gobyerno ilawom sa E-Clip. Ang maong surenderee ang ana sa kustudiya karon sa miitar.
