Duha ka opsyon ang gitan-aw karon sa lokal nga gobyerno kalabutan sa pinuy-anan sa mga residente sa Purok Saeg, Calumpang ning syudad nga nasunogan.
Matud pa ni Mary Tan, department head sa City Housing and Land Management office kon CHLMO nga plano sa syudad nga paliton ang maong area nga ang tag-iya ang taga Surallah, South Cotabato.
Ang ikaduhang opsyon nga magpalit og luna alang sa mga residente kung asa daghan pa ang proseso nga tumanon.
Kahibaluan nga kapin sa 500 ka pamilya ang biktima sa sunog sa Purok Saeg, Calumpang ning syudad kung asa ang mga nasampit ang nagtinir sa Romana Acharon Elementary School og may nagpuyo usab sa ilang mga kabanay.
Sa pagkakaron ang lokal nga gobyerno pinaagi sa City Social Welfare and Development Office ang nagtutok sa panginahanglanon sa mga nasampit.
