Nagreklamo usab ang mga biktima sa Mer’s Business Center, sa Koronadal City.
Gibutyag ni Mr. Pergentino Logronio, usa sa mga nabiktima sa Mer’s Business Center, nga naa-engganyo sila nga mag-invest tungod maayo ang “pay-out “sa sinugdanan og hangtud nga wala nakabayad sa bulan sa Setyembre.
Gibutyag nga sobra sa P600 million ang kantidad sa kwarta nga nakuha sa mga investors sa grupo ni Reynaldo Camingawan, ang founder nga mipasalig og 30% hangtud sa 35% nga interes.
Sa pagkakaron mihangyo sila sa NBI nga matutukan ang kaso og mabalik ang ilang kwarta.
Una niini nagpagawas ang Securities and Exchange Commission (SEC) og g advisory batok sa Mer’s Business Center gumikan sa pagpangolekta og kwarta nga walay igong mga dokomento.
Kahibaluan nga bisag sa dakbayan ang ubang mga miyembro sa MERs ang nagreklamo na usab sa NBI gumikan wala nakadawat na og pay-out.
