-- ADVERTISEMENT --
Epektibo sa Agosto 16, 2021 nga mahimong 26,000 na ang suweldo sa mga job order worker nga mga nurse sa syudad gikan sa 17,000 kada bulan.
Matud pa ni City Mayor Ronnel Rivera nga gipata-as ang suweldo sa mga nasampit gumikan dako ang natabang sa mga nurses sa kampanya batok sa COVID 19.
Giangkon sa mayor nga daghan ang mihawa nga nurses sa Dr. Jorge Royeca Hospital gumikan may mga tanyag gikan sa laing mga munisipyo nga mas dako ang suweldo og dili usab mahimong pugngan sa syudad.
Kahibaluan nga daghang mga ospital sa syudad ang nanginahanglan karon og nurses gawas pa ang Department of Health kon DOH ang ga-hire usab og nurses alang sa kampanya batok sa COVID 19.
