GENERAL SANTOS CITY – Mukabat na sa 432 ang nakabsan sa kinabuhi sa Region 12 kalabutan sa COVID 19.
Base sa datos sa DOH Center for Health Development Soccsksargen nga ang labing daghang namatay ang gikan sa GenSan nga anaa sa 135.
Ulahing taga gensan nga nakabsan sa kinabuhi tungod sa maong virus ang usa ka 74 years old nga lalake.
Lakip usab sa nadugang kagahapon sa bag-ong namatay sa Soccsksargen ang 79 years old lalake nga taga Pigcawayan, North Cotabato; 55 anyos nga lalake nga taga Mlang, North Cotabato, 63 years old babaye nga residente sa Kabacan, North Cotabato; , 67 years old babaye nga taga Tacurong City, og taga Lebak, Sultan Kudarat nga usa ka 39 years old nga babaye.
Ang Cotabato may natala nga 118 nga covid 19 related deaths, South Cotabato-112, Sultan Kudarat 42 og Sarangani mitala og 25 nga patay tungod sa covid 19.
Kagahapong adlawa ana sa 237 ang nadungang nga Covid cases sa rehiyon. Sa maoong ihap 29 ang gikan sa Gensan, Cotabato Province 26, Sarangani 14, Sultan Kudarat-57 og South Cotabato 111.
Sa katibuk-an, mukabat sa 14,469 ang COVID-19 confirmed cases reported sa rehiyon, anaa sa 3,108 ang active cases, 10,927 ang nagmaayo sa sakit og 432 ang nakabsan sa kinabuhi.
