GENERAL SANTOS CITY – Miabot sa dakbayan sa Heneral Santos kagahapong adlawa ang 1,105 vials o 11,050 doses sa AstraZeneca vaccines.
Nasayran nga ang 305 vials o 3,050 doses ang alang sa second dose sa Priority Group A1 og ang 800 vials o 8,000 doses ang alang sa first dose mga nahibiling Priority Group A1, A2 senior citizens, A3 persons with co-morbidity og sa mga staff sa Philippine Red Cross.
Matud pa ni Arjohn Gangoso, spokesperson sa Department of Health kon DOH 12 nga naghatud usab sila og mga vaccines sa laing mga lugar sa Rehiyon 12.
Anaa sa 50,000 doses sa AstraZeneca vaccine ang gihatud alang sa nahibiling mga A1 og A2 priority groups.
Nasayran nga ang 1,665 vials ang gihatud sa Cotabato Province samtang 9,460 doses sa South Cotabato.
Nasayran nga kini ang ikaduha ka higayon nga naghatud og Astrazeneca vaccines ang DOH 12 sa nagkadaiyang mga lugar sa rehiyon.
