GENERAL SANTOS CITY – Mukabat sa 36 ka bag-ong kaso sa COVID 19 ang natala sa Region 12.
Kini base sa labing ulahing report sa DOH – Center for Health Development Soccsksargen Region.
Sa nasampit nga report, 18 ang bag-ong recoveries og walay natala nga namatay. Sa maong bag-ong ihap 12 sa GenSan, 11 sa South Cotabato, walo sa Sultan Kudarat, upat sa Cotabato Province og usa sa Sarangani.
Gumikan niini, 2,378 ang kaso sa COVID 19 sa GenSan, 121 ang active cases og 89 ang patay.
Sa South Cotabato adunay 2,058 ka kaso, 227 ka active cases og 53 ang nakabsan sa kinabuhi.
Sa Cotabato adunay 1,120 ang kaso, 90 ang active cases og 65 ang nagtaliwan. Sa Sultan Kudarat adunay 729 ka kaso, 47 ang active cases og 20 ang patay.
Sa Sarangani adunay 657 ka kaso, 18 ang active cases og 18 ang patay.
Sa katibuk-an may 6,942 COVID-19 confirmed cases sa Region 12 kung asa 503 (7.25%%) ang active cases, 6,192 (89.20%) ang recoveries og 245 (3.53%) ang COVID-19 related deaths.
