GENERAL SANTOS CITY – Dili basta-basta nga kalaban si Terrence Crawford nga usa ka olympian.
Matud pa ni Coach Nonoy Neri sa Team Pacquiao nga total package si Crawford tungod bata ang nasampit hinungdan nga anaa ang kusog og kaabtik.
Gibutyag ni Neri nga lauman makit-an nila nga uhaw sa kadaugan si Crawford tungod dili limod nga si Sen Pacquiao ang usa ka maayong boksingero.
Dugang pa niini nga lauman sa Team Pacquiao magbansay pagmaayo si Crawford aron makab-ot ang kampeonato.
Sa bahin ni Sen. Pacquiao, gibutyag ni Neri nga sa iyang naobserbahan sa light training nga nagpabilin gihapon ang kakusog sa mga kinumo sa senador ingon man ang kaabtik.
Apan nakita niini nga ang pag-atake ni Crawford sa kaatbang ang ilang mamahimong advantage sa engkwentro tungod dako ang tiyansa sa senador nga maigo ang batan-ong boksingero.
Ganahan usab mu-away ang Senador og kaliwiti nga kaatbang.
Dugang ni Neri nga may game plan na sila alang sa istiko ni Crawford nga kombinasyon sa wala og tuo kun manumbag.
Giangkon nga dili sayon nga kalaban si Crawford apan dili sila maglisod basta magtraining lang pagmaayo si Pacman aron magmalampuson sa away.
