GENERAL SANTOS CITY – Nagpabiling balhog sa selda sa Lagao Police Station ang usa ka empleyado sa lokal nga panggamhanan sa GenSan tungod sa giatubang nga kasong qualified rape.
Giila lamang ang nahisgutan nga si Alyas Junjun, 33 anyos nga residente sa Lower Makar Purok Katilingban, Brgy. Labangal ning syudad.
Nadakpan ang naasoyng government employee sa gipahigayong operasyon sa mga ginsakpan sa Maritime Police Gensan og Lagao Police Station sa Cabel St, Brgy. Lagao.
Ang gisilbi nga warrant of arrest ang pirmado ni Presiding Judge Honorable Jose Blanza Jr. gikan sa Branch 22 Regional Trial Court kaniadtong Marso 29, 2021.
Hapsay nga mikuyog sa mga otoridad ang nahisgutang suspestado human kini nga gibasahan sa iyang warrant of arrest kalabotan sa kasong giatubang.
