GENERAL SANTOS CITY – Hulaton una ang ipagawas nga Executive order ni Mayor Ronnel Rivera kalabutan sa isyu nga gi-quarantine ang mga miuli sa syudad luyo nga may kamanduan na gikan sa national IATF nga dili na kini ipatuman.
Kahibaluan nga daghan ang nalibog nganong i-quarantine gihapon sa syudad luyo nga nakalatid sa 101 resolosyon sa national IATF nga wala nay quarantine mahitabo sa lugar nga paadtuan.
Tungod daghan ang gapangutana nganong gihimo kini sa syudad luyo nga walay Executive order ang mayor.
Matud pa ni Mayor Rivera nga ang mahitabo nga sugaton gihapon sa airport ang mga muabot nga heneral aron makakuha og impormasyon gawas pa nga mailhan gilayon oras kung may magpositibo sa COVID 19 .
Hinoon nakalatid sa 101 resolosyon sa national IATF nga i-quarantine ang usa ka pasahero kung may hilanat o laing gibati.
Apan gihingusgan ni Mayor Rivera nga magpabilin ang kamanduan nga magpabilin ang negative result sa RT- PCR test og Antigen sa mga muuli nga mga taga GenSan.
