GENERAL SANTOS CITY – Gaapabot ang mga investors sa Pulis Paluwagan Movement (PPM) nga makauli sa syudad si P/Corporal Rhodora Bombita nga usa sa gikasuhan gumikan sa maong investment scam.
Base sa gipagawas nga report nga sa dihang nasayran ni Bombita nga may kasong syndicated nga giatubang nagdesisyon nga magsurender sa mga pulis.
Kauban ang iyang abogado misurender sila sa Criminal Investigation Detection Group (CIDG) sa kauluhan.
Ang nasampit ang na-assign sa syudad sa dihang nag-operate ang PPM kung asa wala na nakit-an human nga nabulabog ang ilang operasyon.
Gibutyag nga sa Quezon City ang nasampit una nagsurender. Ang warrant of arrest ang gi-isyu ni Judge Joyce Mirabueno sa Branch 56 sa Regional Trial Court (RTC) GenSan nga walay pyansa nga girekomenda.
Kahibaluan nga adunay mga opisyal sa kapulisan ang gilambigit sa PPM investment scam apan gipawalay sala sa korte.
Gibutyag nga anaa sa P2 billion ang na-invest sa publiko nga kasagarang mga pulis sa PPM.
Nasayran nga si Bombita ang labing unang gikasuhan sa PPM nga nagsurender og nasikop.
Samtang hangtud karon wala pa nasayran ang gikahimutangan ni Patrolwoman Kristine Joy Rojas nga apil sa operasyon sa PPM nga na-missing.
