GENERAL SANTOS CITY – Gapanawagan ang kapulisan sa katawhan nga makigkooperar ngadto kanila kung may mga kadudahan nga mga tawo sa ilang dapit.
Kini ang panawagan ni Police Major Irish Hezron Parangan, hepe sa Tboli Municipal Police Station human nga napatay sa operasyon ang patay ang upat ka sakop sa Dawlah Islamiya-Maguid group dihang misukol sa mga otoridad sa n Sitio Malo, Barangay Basag, Tboli South Cotabato.
Natigayon kini human nga isilbi unta ang warrant of arrest tungod sa kasong two counts sa murder, direct asault og frustrated murder.
Sa pamahayag sa nasampit nga opisyal nga wala nila gipadaplin ang mga posibilidad nga may mga kauban pa ang mga nasampit sa lugar.
Gikadugang pa sa nasampit nga opisyal nga misukol ang target nga nagresulta sa pagsinukliay og bala nga milungtad sa 20 ka minutos.
Ang mga namatay nailhan sa pangalan nga silang Saadin, Narjaid, Baharan ug Morn nga pulos Macabangin ang ilang apelyido.
Nakuha sa posisyon sa nahisgutang mga suspek ang .45 caliber pistol, homemade carbine rifle, daghang bala ug pakete sa marijuana nga nagkantidad ug P300.
Gikumpirma ni PNP chief Gen. Debold Sinas nga nalambigit sa GenSan bombing ang mga nasampit nga mga suspek.
