GENERAL SANTOS CITY – Nahimong malampuson ang kasaulogan sa kapistahan sa Santo Niño sa Bula ning syudad luyo sa nasinatian nga pandemnya.
Istriktong gipatuman ang patakaran nga bawal nga muadto sa Bula ang dili residente sa nasampit nga barangay.
Sa dalan duol sa kanhi oil depo nakaposisyon ang mga pulis aron nga magpahigayon og checkpoint.
Ilang tan-awon ang enhanced quarantine pass og ID.
Ang dili residente sa Bula og dili trabahante ang dili makasulod.
Ang tumong niini aron nga makalikayan ang pagtapok sa daghang tawo nga hugot nga gidili ning panahon sa pandemnya.
Ang tanang entrance og exit points sa Bula lakip sa dagat ang adunay nagbantay.
Hinoon nagpadayon ang 11 ka misa nga ang ist mass ang nagsugod alas 5:00 sa buntag.
Ang alas 10:00 sa buntag nga misa ang gipangunahan ni Bishop Cerilo Casicas samtang ang ulahing misa nagsugod alas 10:30 sa gabii.
Luyo nga dili daghan ang mga tawo sama miaging tuig ang uban nga kinaiya nga maghikay ang nag-andam usab apan dili daghan og gipadayon gihapon ang fireworks display.
