GENERAL SANTOS CITY – Nadugangan pa og unom ka mga bag-ong pasyente sa Covid-19 ang talaan ang General Santos City hinungdan nga misaka na karon sa 1,257 ang katibuk-ang kaso sa siyudad.
Sa ulahing tracker data sa DOH-Center for Health Development, gikan sa kinatibuk-ang ihap, gikan sa 81 sa adlaw nga Martes, miubos na lang sa 78 ang gikonsiderang aktibo o padayong nagpaalim.
Ang mga bag-ong nagpositibo gilangkoban sa 45 anyos nga lalaki, 21 anyos nga babaye, 30 anyos nga babaye, 30 anyos nga lalaki, 25 anyos nga lalaki og 35 anyos nga babaye.
Samtang, gikumpirma usab sa ahensiya nga adunay siyam nga bag-ong naka-rekober sa sakit.
Sa karon, misaka na sa 1,125 ang total recoveries sa siyudad.
Kini human nga sa 28 ang bag-ong nakarekober sa sakit kagahapon, siyam ang residente sa GenSan.
Samtang nagpabilin sa 54 ang Covid-19 related deaths sa dakbayan.
