GENERAL SANTOS CITY – Balik sa orihinal nga schedule ang Misa de Gallo sa Sto. Nino de Bula karong December 16 hangtud 24, 2020.
Matud ni Fr. Ricky Legario, parish priest sa maong simbahan nga ipahigayon ang unang misa alas 3: 00 sa kaadlawon ug ang ikaduha nga misa sugdan alas 4:30 medya sa buntag.
Gipaniguro usab niini nga isip lider sa maong simbahan nga masunod ang tanang health protocol nga gipatuman sa Inter Agency task Force alang sa Misa de Gallo.
Mao usab ang guidelines nga gipatuman sa Catholic Bishops Conference of the Philippines (CBCP) nga gipasa sa tanang diocese nga ilang ipatuman sa parokya.
Matud niini nga luyo sa nasinati-ang pandemic gisiguro ang kahimtang sa katawhan.
Sumala niini nga mamahimong makapahigayon ug misa de gallo ang mga kapilya kon adunay pagtugot gikan sa parish priest ug kaya nila nga ipatuman ang mga health protocols.
Gikumpirma usab ni Father Legario nga sundon usab sa simbahan ang gipatuman nga curfew hour sa mga local government units.
Hangyo usab niini sa tanang nga adunay travel history, may sintomas, vulnerable person sama sa mga senior citizen ug mga kabataan nga dili nalang mutambong sa mesa de gallo, aron nga malikay sa balatian.
