GENERAL SANTOS CITY – Nakapahigayon ug duha ka meeting ang Inter Agency task Force on COVID 19 alang sa pagpanday sa ipatuman nga balaud niining bulan sa Disyembre.
Kini ang nahimong pahayag ni City Administrator Atty Arnel Zapatos.
Matud ni Zapatos nga pagapirmahan na ni Mayor Ronnel Rivera ang Executive Order nga gikopya ang uban nga konteksto sa EO 52 nga unang gipagawas luyo nga nagpabilin ang dakbayan sa modified general community quarantine (MGCQ) medium risk classification.
Kini tungod ang dakbayan adunay 1.8 attack rate samtang naa sa 25 days ang doubling time.
Gumikan niini gitangtang na sa syudad ang no sunday lockdown gumikan maayo ang kooperasyon sa mga barangay kauban ang katawhan nga adunay dakong papel sa pagpakunhod sa kaso sa coronavirus disease sa syudad.
Matud ni Zapatos nga taas kaayo ang recovery rate sa syudad.
Samtang gibag-o usab ang gipatuman nga curfew hours tungod girespito ang kanhi nang gihimo nga pag-obserba sa Misa de Aguinaldo.
Gikasabutan ang pagpatuman ug curfew economic activity gikan sa alas 12:00 sa kaadlawon hangtud alas 4:00 sa kaadlawon luyo nga exempted ang tanang religious activity.
Matud niini nga walay curfew sa Desyembre 24 hangtud Desyembre 25 ug Desyembre 31 hangtud Enero uno sa tuig 2021.
