GENERAL SANTOS CITY – Mitala na sa 2,518 ang kumpirmadong kaso sa Coronavirus Disease 2019 sa Rehiyon 12 kini human nga 64 ang nadugang nga bag-ong kaso kagabii.
Samtang anaa sa 55 ang bag-ong nakarekober sa sakit tungod niini misaka na sa 1,768 ang total recoveries.
Nasuta nga misaka ngadto sa 78 ang ihap sa mga namatay sa covid 19 human nga may tulo nga natalang namatay kagahapon.
Base sa datos nga gipagawas sa sa Department of Health 12-Center for Health Development nanguna gihapon ang GenSan sa may labing daghang kaso sa COVID 19 sa Soccsksargen nga adunay 725 kumprmadong kaso kung asa 244 ang padayon pang nagpaayo.
Ikaduha ang South Cotabato nga may 661 ka kaso nga may 121 active cases.
Ang ikatulo sa pwesto ang Cotabato City nga may 549 ka kaso og 163 ang actives cases.
Ang ikaupat sa pwesto ang North Cotabato 207 ka kaso nga adunay 52 ka active cases.
Ang ikalima ang Sarangani 216 ka kaso og 76 ang aktibong kaso.
Ang Sultan Kudarat ang may 160 ka kaso og 15 ang actives cases.
