GENERAL SANTOS CITY – Patay ang usa ka kanhi kapitan sa Barangay Rubber Polomolok South Cotabato sa gipahigayong operasyon sa mga otoridad kalabotan sa ilegal nga droga.
Ang target suspect giila nga si Diosdado Cruz, hamtong ang pangidaron nga residente sa nahisgutang lugar.
Human ang gipahigayon nga intel monitoring gilayong gipahigayon ang buy bust operation aron dakpon ang suspek.
Atol sa transaksyon sa baligyaanay og ilegal nga droga, nakamatikod ang kanhi kapitan nga pulis ang nakaatubang hinungdan nga mibunot og pusil og gipabuto ngadto sa operatiba.
Mibalos ang kapulisan hinungndan nga natigayon ang pagbinayluanay og buto sa pusil tali sa suspek.
Naigo ang suspek sa nagkadaiyang parte sa lawas hinungdan nga gidala sa ospital apan gideklara nga dead on arrival.
Sumala pa ni P/Lt. Col. Alex Joe Orcajada, hepe sa Polomolok Municipal Station nakuha sa posisyon sa target suspect ang usa ka armas.
Samtang midepensa ang pamilya sa maong kanhi kapitan batok sa mga akusasyon.
Matud pa nga wala sila gatuo nga may dala nga armas si Cruz armas og misukol sa otoridad.
Apan bisan pa man sa pamahayag sa pamilya gibutyag sa opisyal nga sa korte na lamang isulti ang ilang depensa.
