GENERAL SANTOS CITY – Mitala na sa 2,112 ang natala nga kaso sa Coronavirus dieasese 19 sa Region 12 base sa ulahing report sa Department of Health-Center for Health Development (CHD) SOCCSKSARGEN Region.
Mukabat sa 12 ang nadugang nga kaso sa maong makamatay nga sakit.
Sa katibuk-an nga kumpirmadong kaso anaa sa 613 ang padayong nagpaayo, 1,437 na ang nakarekober sa sakit og og nadugangan og duha ang namatay hinungdan misaka na karon ang covid -19 related deaths sa 61.
Ang GenSan aduna na karon 597 kumpirmadong kaso sa COVID 19 kung asa 247ang active cases.
Ang gapanguna sa listahan nga may labing daghang kaso sa COVID 19 ang South Cotabato nga may 598 ka kaso og 149 ang actives cases.
Ang ikatulo ang Cotabato City nga anaa sa 433 og 116 ang active cases.
Ang North Cotabato 183 ang kaso og 56 ang aktibong kaso.
Ang Sarangani 155 ang kaso sa covid-19 og 27 ang padayon pang nagpaayo samtang 146 ang kaso sa covid-19 sa Sultan Kudarat og 18 ang active cases.
