GENERAL SANTOS CITY – Mukabat sa 43 ang succesful blood donors sa natigayon nga blood letting activity sa Barangay Poblacion, Alabel, Sarangani Province sa kooperasyon sa Bombo Radyo GenSan.
Matud pa kang Dr. Janna Michelle Bron, RHU Alabel nga mahinungdanon ang pagdonate sa dugo gumikan daghan ang matabangan.
Sa pamahayag ni Dr. Bron nga angayang walay sip-on, ubo, hilanat sulod sa usa ka semana ang donors aron makalikay nga matakdan sa COVID 19.
Gikadugang pa niini nga gumikan midaghan ang kaso sa corona virus ang Sarangani na lang una ang gapahigayon og blood letting activity ilawom sa area of jurisdiction sa Red Cross Sargen Chapter.
Gumikan sa pandemnya nga gidili ang pagtapok sa daghang tawo gikansela ang tinuig nga Dugong Bombo nga matigayon matag bulan sa Nobyembre.
Ang gihimo aron mapadayon ang pag-awhag sa katawhan nga magdonate og dugo mao ang pakigpartner sa nagkadaiyang lokal nga gobyerno o kaha organisasyon.
Una niini gihimo na sa Dolomolok, Alabel, Lagao ning dakbayan, Tuyan, Malapatan, Sarangani Province og sa Our Lady of Peace and Godd Voyage.
Ang mga sucessful blood donors ang nakadawat og Dugong Bombo t-shirt.
