-- ADVERTISEMENT --
GENERAL SANTOS CITY – Nagpabiling tanggong sa selda sa kapulisan ang street pusher sa Polomolok human makorner sa gipahigayon nga police operation.
Giila ang suspek nga si Arjay Nicor, ulitawo nga residente sa Purok Malipayon, Barangay Upper Klinan, Polomolok, South Cotabato.
Nasikop si Nicor atubang sa simbahan sa Lantana Subdivision Brgy. Cannery Site ug nakuhaan ug tulo ka pakete sa gituhu-ang shabu ug ang mark money nga P1,500.
Gilayon nga giturn over sa kapulisan ang nakuha nga druga sa Regional Crime Laboratory Office (RCLO) 12 alang sa laboratory examination.
Ang buybust money gitugyan ngadto sa Provincial Prosecutors Satellite Office, Polomolok, South Cotabato.
-- ADVERTISEMENT --
