GENERAL SANTOS CITY – Tugtan sa syudad nga makabisita sa mga pampubliko nga sementeryo ang mga residente aron bisitahon ang mga lubong sa mga minahal sa kinabuhi nga mahimutang sa mga pampubliko nga sementeryo.
Matud ni Mary An Tan Bacar, ang department head sa City Housing and Land Management Office (CHLMO) nga mamahimo nila kining himuon sa bulan sa Oktobre luyo sa nasinati-ang pandemic.
Gikadugang pa ni Bacar nga ablihan ang Antonio C. Acharon Memorial Park, ug ang uban nga pampubliko nga semeneteryo sa syudad sugod karong Oktobre 15, 2020.
Kini tungod magpatuman ug shotdown ang syudad sa naasoy nga mga sementeryo sugod Oktobre 31 hangtud Nobyembre 2, 2020.
Sa kasamtangan nagpahigayon ug pagpamintura ang ilang buhatan sa mga pantyon aron pag-abut sa kalag-kalag presentable na ang lugar.
Dinhi sa syudad adunay siyam ka semeneteryo nga makita sa walo ka barangay sa syudad.
