-- ADVERTISEMENT --
GENERAL SANTOS CITY – Malampuson ang gihimong simultaneous anti-criminality law enforcement operation nga gipahigayon sa PNP 12 sa miaging Setyembre 5, adlaw nga Sabado sa tibuok rehiyon.
Matud pa kang P/Lt. Col. Lino Capellan, tigpamaba sa Police Regional Office (PRO) 12 nagresulta kini sa kamatayon sa upat ka tawo human nga misukol sa mga otoridad.
Samtang 174 ka tawo ang nasikop, 78 ka low og high powered firearms ang nakumpiska apil nga assorted ammunitions lakip na shabu.
Sa pamahayag ni Capellan ang simultaneous anti-criminality law enforcement operation base sa direktiba ni P/Brig. Gen. Michael Jhon Dubria, ang labaw sa kapulisan sa Region 12.
