GENERAL SANTOS CITY – Gikatakda nga ablihan na ang mga opisina sa Barangay Hall sa San Isidro ning dakbayan.
Base sa statement nga gipagawas sa lokal nga gobyerno sa San Isidro magpabiling sirado lang ang health center.
Gumikan niini dili una dawaton ang aplikasyon sa medical certificate.
Nasayran nga nanirado sukad sa miaging Miyerkules ang barangay hall sa San Isidro human nga nagpositibo sa COVID 19 ang naka-assgin nga doktor sa maong dapit.
Gipahigayon ang disinfection sa maong dapit atol sa pagpanirado sulod sa pipila ka adlaw.
Si Kapitan Jeprox Yumang ang hugot ang panawagan sa katawhan nga may importanteng tumong sa barangay hall nga sundon ang tanang mga health protocols.
Dili kalimtan ang pagsul-ob sa face mask og faceshield.
Angayang i- sanitize ang kamot o manghugas sa hand washing station una musulod sa compound.
Pahinumdum usab niini sa publiko nga angayang magdala og kaugalingong ballpen og dili usab kalimtan ang social distancing.
