GENERAL SANTOS CITY – Nagpabilin pa sa na-admit sa ospital ang usa ka nagpositibo sa COVID 19 nga nakaadto pa sa bar sa dakbayan.
Matud pa ni Atty. Arnel Zapatos, city administrator nga ang siyam ka tawo nga close contact niini ang negatibo ang resulta.
Apan kadtong 257 ka mga tawo nga lakip sa contact tracing hangtud sa fourt level ang nagpabilin pa nga naka-home quarantined.
Gibutyag sa Bombo Radyo GenSa ni Atty. Zapatos nga padayon nga gitutukan sa mga health authorities ang mga nasampit.
Kahinumduman nga usa sa closed contact niini ang residente sa Alabel, Sarangani apan negatibo sa maong balatian human migawas ang resulta sa specimen.
Nasayran nga ang maong LSI ang nakahuman na sa iyang 14-day mandatory quarantine sa dihang nakasinati og sintomas hangtud nga nasuta nga positibo sa Covid-19.
