GENERAL SANTOS CITY – Kasagaran sa mga nagpositibo sa COVID 19 sa Region 12 ang mga locally stranded individuals (LSIs) og returning overseas Filipinos (ROFs).
Sa 312 ka kaso nga natala base sa labing ulahing report sa Department of Health (DOH) 12 nga 264 sa mga nagpositibo sa maong virus ang mga nasampit.
Ang ubang mga nagpositibo kadtong unang kaso sa Region 12 nga gikan sa Davao City nga nagsabong.
Sa pakighinabi sa Bombo Radyo GenSan kang Arjohn Gangoso, spokerperson sa DOH 12 ng ang ubang mga may nasampit nga sakit may direct contact gikan sa nagpositibo.
Luyo niini gipaklaro ni Gangoso nga wala pay local tranmission sa rehiyon.
Iyang gipaklaro nga makonsidera nga may local tranmission sa usa ka lugar kung ang pasyente ang nakatakod sa duha o kaha tulo ka tawo.
Sa 312 confirmed covid 19 cases, 158 niini ang aktibong kaso samtang 150 na ang nakarecover.
Sa karon nag-una ang Probinsya South Cotabato nga adunay 75 ka mga kaso kung asa 37 ang nakarecover.
Gisundan kini sa Sarangani nga nakatala ug 64 na ka mga kaso, 23 niini ang nakarecover.
Ikatulo ang Sultan Kudarat nga adunay 60 ka mga kaso 36 ang nakarecover.
Dayon ang North Cotabato nga adunay 44 ka mga kaso duha ang patay ug 23 ang anaa na sa luwas nga kondisyon.
Samtang ang dakbayan sa Heneral Santos adunay 41 ka mga kaso, pito pa lamang ang nakarecover og sa Cotabato City nagpabalin nga 28 ka mga kaso kung asa 24 niini ang nakarecover na gikan sa Covid 19.
