GENERAL SANTOS CITY– Nadugangan ug 18 ang ihap sa mga Locally Stranded Individual (LSI) ug returning OFW nga miabut sa dakbayan kagahapon.
Kini human midunggo sa pantalan sa Makar ang BRP Gabriela Silang .
Matud ni PO first Raymund Fortin coast Guard assistant station comander nga dili lang mga SLI ug OFW ang karga sa nahisgutang barko tungod may karga usab kini nga mga sakop sa Special action forces nga mikanaug sa Cebu ug Zamboangga City
Matud niini mukabat sa 86 ka mga indibidwal ang karga sa nahisgutang barko dihang midunggo kagahapon apan 18 lamang niini ang taga General Santos ug ang uban mipauli sa ilang tagsa ka lugar human gitagbo sa ilang mga LGU.
Human nagdiskarga ang barko midiretso kini sa dakbayan sa Davao aron ihatud ang nahibilin nga mga LSI ug OFW .
