CSWDO nagpaklaro sa paghatag sa social pension sa mg senior citizens sa GenSan

GENERAL SANTOS CITY– Lakip sa mga nahisgutan sa Sangguniang Panlungsod atol sa 35th Regular Session ang Social Pension nga ihatag sa mga Indigent Senior Citizens nga gipangunahan ni GenSan City Councilor Hon. Lourdes F. Casabuena.

Matud kang CSWDO Head Rebecca Magante, sa 26,805 ihap sa mga senior citizens sa dakbayan migahin og 13,139 nga slots alang sa mga indigent senior citizens kung asa pwede silang mudawat og binulan nga pensyon sa kantidad nga P500 aron makatabang sa ilang pang-adlaw adlaw nga panginahanglanon ilabina karong nag-atubang sa krisis gumikan sa CoVid-19.

Samtang, muhimo matud pa og pamaagi ang LGU dili lang alang sa dugang slots apan aron matabangan tanan sa atong mga senior citizens sa syudad.