GENERAL SANTOS CITY – Mandatory na ang pagsul-ob og face mask sa tanang residente sa dakbayan atol sa gipatumang Enhanced Community Quarantine hangtud kung kanus-a kini nga ipatuman.
Kini human giaprubahan ang ordinance number 1920-0144 nga giduso ni City Councilor Franklin Gacal Jr sa sesyon kagahapon.
Matud pa niini, angayang anaron ang kaugalingon nga musul-ob og face mask kung mugawas sa balay.
Dili gayud kinahanglan nga surgical mask og N95 mask ang gamiton apan pwede bisag unsa basta matabunan ang baba.
Sa pamahayag ni Kag. Gacal, mahimong epektibo ang maong ordinansa oras nga mapirmahan gilayon sa mayor apan kung alang kaniya angayang magsugod dayon ugma ang pagpatuman niini.
Gilayon nga pahamtangan og silot og wala nay second hangtod third offense nga ihatag sa kinsa man nga makasupak sa wala pagsul-ob og face mask.
Sumala pa ni Kag. Gacal dili pwede nga balewalaon ang kabagsik sa covid 19 tungod daghan na ang namatay gawas pa nga dako ang gastos kung ma-ospital.
