GENERAL SANTOS CITY – Nanghatag ug libreng karne ug grocery items ang mga myembro sa South Cotabato Swine Producers Association kun SOCOSPA atul sa pagsaulog sa meat safety consiousness week 2019.
Matud ni Dr. Rex Calub nga tibuok Pilipinas ang nagsaulog niini sa tema nga “Karne at Pagkain Sapat at Ligtas.”
Tumong sa paghatag ug karne aron ipakita sa publiko nga luwas ang pagkunsomo niini nga pamatuod nga luwas sa African swine fever ang probinsya. Matud ni Calub nga gipaniguro sa ilang buhatan nga hinlo ang mga gibaligya nga karne sa merkado ug negatibu sa ASF.
Kahinumduman nga nagbutang na ug checkpoint ang City Vet sa entrada nga bahin sa Apopong ug Katangawan aron kapugngan ang pagpasulod ug baboy gikan sa silingan nga lugar.
Makasulod sa dakbayan ang baboy kung makapresenta ug meat inspection permit ug veterinary ceritifcate aron sa pagbiyahe dinhi sa dakbayan.
