GENERAL SANTOS CITY – Andam na ang lokal nga panggamhanan ning siyudad alang sa matigayon nga labing dakong summer youth festival sa tibuok nasud, ang Summer Youth Festival nga matag tuig ginapahigayon sa dakbayan, sa pagpanguna sa Youth Affairs and Development Office (YADO).
Magsugod ang Summer Youth Festival 2019 sa Abril 11, adlaw’ng Huwebes, ug mulungtad kini hangtod Mayo 31, 2019.
Matud ni Judith Janiola sa City Population Management Office, nga usa sa mga event manager sa matigayon nga Parada ng Kabataan nga kabahin sa opening ceremony sa 5th Summer Youth Festival.
Magsugod ang parada alas-3:00 sa hapon, atubangan sa SM City sa Santiago Boulevard ning syudad.
Muagi ang parada sa Magsaysay Avenue, Pioneer Avenue hangtud sa atubangan sa Plaza Heneral Santos kung asa ipahigayon ang ceremony ug may cheerdance competition usab.
Tingog ni Judith Janiola sa City Population Management Office
Ug gani, giawhag ni Janiola ang mga partisipante mga magsul-ob ug festive attire sama sa neon o pang-circus nga maoy tema ning tuiga.
May giandam usab nga premyo, kung asa P20,000 ang first prize, P15,000 sa second prize, ug P10,000 sa third prize.
