GENERAL SANTOS CITY – Dynamic na kaayo ang pamalaod sa Pilipinas ning panahuna. Kini ang gibutyag ni Atty Rogelio Garcia, human ang nahimong pagbakwi sa Malacañang sa amnestiya ni Sen. Antonio Trillanes IV, apil na usab ang kontrobersyal nga pagpalagpot kang kanhing Chief Justice Maria Lourdes Sereno pinaagi sa quo warranto petisyon.
Matud pa, nagpakita lamang kini nga dynamic na ang mga langlantaw ug paghuna-huna sa mga abogado sa gobyerno ning panahuna, ug may mga bag-o nga ideya kalabot sa kasamtangang balaod sa nasud.
Normal usab matud pa ang nahimong lakang sa Malacañang hilabi na sa ilang mga iresponsableng kritiko sama kang Trillanes, ug sutaon kon may mga nahimong kasupakan sa balaod.
Gatuo usab matud pa si Atty Garcia nga wala nakabantay si Trillanes sa naasoy’ng plano nga himuon sa administrasyon.
Dungan niini, kalabot sa nahisgutang isyu, giklaro ni Atty Garcia nga ang tanang proklamasyon ug deklarasyon sa pangulo ang ‘presumed’ nga lehitimo ug ligal samtang anaa pa siya sa pwesto, nga nahisubay sa balaod, gawas na lang kon i-recall o kaha ideklarang unconstitutional sa Kongreso.
Ug apil na niini ang pagbakwi sa amnestiya ni Trillanes sa rason nga wala pagsunod sa mga rekositos ug kondisyon niini.
