GENERAL SANTOS CITY -Gidala na sa Bureau of Immigration Davao ang lima ka mga Indian National nga nasikop sa checkpoint sa Malandag Malungon, Sarangani Province.
Kahibaluan nga human nga masikop sa Malungon Municipal Police Station ila na lamang gipakustodiya sa Pendatun Police Station dinhi sa dakbayan ang mga nahisgutang langyaw gumikan sa kakulangan sa mga dokumento.
Sakay sa usa ka Toyota Fortuner paingon unta a GenSan ang mga nasampit dihang naharang sa checkpoint.
Nasuta nga walay nga dokumento nga gipakita silang Raj Pat Singh 37, Kohl Wan Singh 40, Mandiy Singh 30 pulos mga residente sa Koronadal City kauban silang si Sukthib Singh 30 ug Ranver Singhilon 35 pulos taga Prk Malakas San Isidro niining dakbayan.
Padayon pa ang imbestigasyon nga ginahimo sa kapulisan sa lima ka dayuhan.
