GENERAL SANTOS CITY – Giangkon ni Atty April Mitchor, GenSan Comelec officer, nga bisan siya mismo ang nakurat ug wala gilauman nga mudagsa gilayon sa ilang buhatan ang daghang tawo alang sa pag-able sa voter’s registration kagahapong adlawa.
Kini human nga mukabat sa libo ang nahidangat sa ilang buhatan kagahapong adlawa, aron magparehistro, o kaha asikasuhon ang transfer, reactivation, correction of entries ug reinstatement of records kon pagbalik sa listahan sa mga botante, alang sa matigayon nga May 2019 midterm elections.
Sa pakighinabi sa Bombo Radyo, gibutyag ni Atty Mitchor nga maayong indikasyon kini nga nagpasabot nga mas aware, conscious ug aktibo na ang mga tawo nga buot nang mupartisipar sa mga piniliay.
Sumala pa nga sa unang duha ka semana, sa Comelec office una tanan, apan sugod sa ikatulong semana sa Hulyo, muarangkada na ang sattelite registration, kung asa mutuyok sila sa 26 ka barangay sa siyudad aron mahimong mas duol sa katawhan, ug dili magdasok sa Comelec office.
Gilaumang ianunsyo sa mga musunod nga adlaw ang schedule sa sattelite registration, kung asa unahon matud pa ang mga lagyo nga barangay
