GENERAL SANTOS CITY – Gikatakdang dalhon karong buntag sa kapulisan ngadto sa piskalya si kanhi San Jose Brgy. Captain Alfredo Belgica alang sa pagpasang-at ug kaso batuk kaniya sa paglapas sa RA 10591 kon “Comprehensive Firearms and Ammunition Regulation Act.
Kahinumduman nga si Belgica ang gidala sa Fatima Police Station human makuhaan ug duha ka armas dungan sa pagpatuman sa Search Warrant nga pirmado ni RTC 35 Judge Oscar Noel Jr.
Atul sa pagsulod sa sakop sa RPDEU sa ilang balay, narekober ang caliber 45 pistol ug usa ka shotgun.
Nagdumili nga magparekord sa iyang tingog si Belgica dihang gihinabi sa Bombo RAdyo.
Hinuon, gibutyag niini nga atuabangon ang kaso sa korte og didto na magdepensa iyang kaugalingon.
Nasayran nga ginaproseso pa ni Belgica ang LTOP sa caliber 45 pistol apan naabtan kini sa Comelec gun ban.
Nasayran nga naka file sa iyang certificate of candidacy si Belgica ug nagpapili nga Konsehal sa ilang Barangay.
Nasayran nga sa pag-raid sa balay sa kanhi kapitan, apil nga gisulod sa kapulisan ang balay sa anak niini apan nagnegatibu sa armas.
