GENERAL SANTOS CITY – “Peaceful and orderly”.
Sama niini gihulagway ni Atty. Michael “Mike” Abas, Regional director sa Comelec 12 ang dagan sa filing sa certificate of candidacy sa mga mukandidato sa Barangay and Sangguniang Kabataan Elections.
Sumala pa, sukad sa pagdawat sa mga Comelec offices sa mga COC niadtong Abril 14, nahimong hapsay ang tanan og walay mga natalang problema.
Gawas lang nga sa unang adlaw, dili tanan ang nag-file og COC tungod magpaabot og gapanid-anay ang mga mukandidato og ang uban mag-file og COC nga hapit na ang deadline.
Hinungdan nga lauman ang pagpunsisok sa Comelec Office sa mga magpapili atul sa ‘last day’ sa filing sa COC.
Sumala pa ni Atty. Abas, sa monitoring nila ngadto sa ilang mga Comelec Field offices sa rehiyon dose, wala silay report nga nadawat nga nakaangkon ug problema sa nagpadayong filing sa COC.
Giawhag niini ang mga mukandidato nga karon pa lamang magsumite na sa ilang COC og dili hulaton ang deadline.
