-- ADVERTISEMENT --
GENERAL SANTOS CITY – Angol ang usa ka balut vendor human gipusil sa riding in tandem sa Blk 17 B17 Prk 18 Employees Village, Brgy Fatima ning siyudad.
Giila ang biktima nga si Mark John Fuentes, 19-anyos, residente sa lugar.
Nahitabo ang insidente pasado alas-8:00 kagabii, kung asa samtang ginaatiman sa biktima ang iyang mga customer, kalit nga may miabot nga duha ka lalaki nga sakay sa motorsiklo, dayon gipusil siya sa gunman.
Nakaangkon ug samad sa wala nga kilid ang biktima, apan nahimo pang makadagan human ang pagpamusil, samtang ang mga suspek ang paspas nga nakasibat.
Sa karon nagpaalim sa balay-tambalanan ang biktima, samtang nagpadayon ang imbestigasyon sa kapulisan, kung asa gituuhang personal nga bangi ang motibo sa krimen.
-- ADVERTISEMENT --
