GENERAL SANTOS CITY – Dili pwedeng mutaya sa Small Town Lottery, o kaha magdula sa casino o e-games, ang mga 21-anyos paubos.
Kini ang gihingusgan ni City Councilor Franklin Gacal Jr., chairperson sa committee on games and amusement sa Sangguniang Panglungsod, base sa IRR sa PCSO.
Sumala pa nga oras nga iyang masayran nga masupak ang maong patakaran, iyang i-parevoke ang concurrence sa STL.
Apan kahibauan nga wala pa nakapasa sa second reading ang STL gumikan may mga pipila pa ka hisgutanan nga angayang tukion.
Gumikan niini gi-lay on the table ang aplikasyon sa STL ug magpahigayon pa ug usa ka committee hearing karong semanaha.
Kahibaluan nga gusto usab ni Kag. Edmar Yumang nga 300 meters ang distansya sa STL sa laing outlets lakip sa simbahan ug eskwelahan.
Gawas pa niini nga 110 outlets lang ang tugtan ug dili 130 nga maoy gusto sa Trento Gaming Corporation.
