GENERAL SANTOS CITY – Nagpaklaro ang usa ka inilang abogado sa dakbayan kung unsa na ang mahitabo human nga nagdesisyon na ang House committee on justice nga isaka sa plenaryo sa Kamara ang articles of impeachment batuk kay Supreme Court Chief Justice Maria Lordes Sereno.
Sumala kay Atty. Rogelio Garcia, nakalatid sa committee report ang unom ka articles of impeachment nga milibot sa upat ka grounds nga culpable violation of the constitution, betrayal of public trust, corruption og uban pang high crimes.
Gilantaw ni Atty. Garcia nga sa kada usa ka Articles of impeachment may i-designate nga private lawyer kadtong ilang prosecutors nga maoy magprosecute sa articles of impeachment ngadto sa Senado.
Sa plenaryo sa Kamara pagabotohan ang pag-impeach kay Sereno kung asa 3/4 votes nga pabor sa impeachment ni Sereno ang kinahanglan aron isaka ang articles of impeachment sa Senado.
Sumala pa ni Atty. Garcia, dili na kinahanglang muatubang si Sereno sa plenaryo inay didto sa impeachment trial sa Senado ang legal team niini ang mag-cross examine sa mga testigo.
Hinuon, hatagan ug pagtagad ang depensa ni Sereno atul sa pagtaral sa Senado.
Sa natigayong binotohay sa House committee on justice, 33 miyembro sa lupon ang mipabor sa mga reklamo batuk kay Sereno, samtang usa lang ang mikontra.
Misentro sa wala pagdeklara sa SALN ang reklamo batuk sa punong mahistrado, lakip na ang mga patakarang gipatuman niini sulod sa Korte Suprema.
Samtang, gatuo matud pa si Atty. Garcia nga tulo o upat ka Articles of impeachment ang maglisod si Sereno nga depensahan kon ugaling matigayon ang impeachment trial sa Senado.
Matud ni Atty. Garcia, usa niini ang kapakyasan sa punong mahistrado sa pagsumite sa iyang SALN niadtong nahimong empleyado pa siya sa gobyerno sa pipila ka tuig og pagka-professor sa University of the Philippines.
Ingon man ang kapakyasan ni Sereno sa pagsumite usab sa iyang SALN dihang pag-apply niini sa Judicial and Bar Council.
Sa pamahayag ni Atty. Garcia nga malisdan ang chief justice nga depensahan ang pag-abuso matud pa sa paggamit og gahum isip chief justice kalabot sa pag-aksyon sa mga buluhaton sa Korte Suprema bisan nga gikinahanglan og SC en banc nga maghatag ug desisyon.
Gibutyag ni Atty. Garcia nga makombikto sa bisan usa lang sa mga articles of impeachment, ma-impeach gayud isip Chief Justice si Sereno.
Ang tingog ni Atty. Rogelio Garcia sa pakighinabi sa Bombo Radyo.
