GENERAL SANTOS CITY – Ipadayon karong adlawa ang laing hearing kalabot sa re-application nga subling mag-operate ang Small Town Lottery dinhi sa dakbayan.
Kini pangunahan ni Kagawad Jeng Gacal, ang chairperson sa Committee on Games and Amusement sa konseho. Gani, gilauman sa konsehal ang pagtambong sa mga opisyal sa PCSO gikan sa Kauluhan sa ikatulong hugna sa committee hearing.
Kahibaluan nga ubay-ubay pa ang angayang hisgutan sa maong pagdungog sama sa share sa syudad sa operasyon sa STL, gawas pa sa share sa local police.
Sa mga nakalabay nga hearing, lakip nga gilantugian ang kalabutan sa resibo aron masiguro nga ang tanang kita ang muadto sa syudad og kung pila ka mga outlets ang ipatukod sa STL kung matugtan nga mag-operate sa syudad.
Nasayran nga gihatagan na og katungod ang mga city councilors nga magdesisyon kabahin niini.
Gibutyag sa mga city councilors nga 45 ka STL outlets lang ang tugtan sa LGU-Gensan apan 130 ang gusto sa Trento Gaming Corporation.
